ԵՐԵՎԱՆ, ՀՈՒՆՎԱՐԻ 17, 24News
ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանն ասել է, որ ուրախ կլինի, եթե դատական համակարգն անկախ լինի։
«Կարծում եմ՝ մինչև հանձնաժողով ստեղծելը խրհրդարանական ուժերին պետք է ներկայացվեր, թե ինչու ենք գնում սահմանադրական փոփոխությունների, գործող Սահմանադրության մեջ ի՞նչն է, որ խոչընդոտում է իշխանություններին ռեֆորմներ իրականացնել»,- ասել է նա։
Անդրադառնալով Սահմանադրական դատարանի գործունեությանը՝ պատգամավորը շեշտեց, որ այդ կառույցի նկատմամբ որևէ քաղաքական գործիք չպետք է կիրառվի։
«Չեմ ուզում, որ ՍԴ-ն հայտնվի այս իշխանության կրունկի տակ։ Դատական համակարգը չպետք է լինի որևէ իշխանության կցորդը։ Եթե փոփոխություններն արվելու են դատական համակարգն այս իշխանության կրունկի տակ փռելու համար, ապա մեզ համար դա լինելու է բացարձակապես անընդունելի», - ասել է Զոհրաբյանը։