ԵՐԵՎԱՆ, ՀՈւՆՎԱՐԻ 31, 24News
ԱԺ աշխատակազմի ղեկավարի նախկին տեղակալ Արսեն Բաբայանը ֆեյսբուքյան իր էջում գրել է․
«Երբ Վահե Գրիգորյանի թեկնածությունն ԱԺ-ն ապօրինաբար երկրորդ անգամ քննարկեց ու հաստատեց, պնդում էի, որ դա չի կարելի թույլ տալ, քանի որ դրանով սկիզբ է դրվում Սահմանադրությունն ու օրենքները յուրովի և անգրագետ մեկնաբանման:
Տարբեր լրատվամիջոցների հետ հարցազրույցներում, հրապարակային տարբեր բանավեճերում պնդում էի, որ սա կդառնա նախադեպ և այդուհետ պետական մարմինները կսկսեն ցանկացած իրավական նորմ մեկնաբանել իրենց քմահաճույքով:
Անհանգստություն էի հայտնում, որ մեծ վտանգի առաջ ենք կանգնելու:
Ինչպես բազմաթիվ այլ պնդումներս, այնպես էլ այս պնդումը, այսօր իրականություն է:
Քաղաքական իշխանությունն այսօր նույնիսկ Սահմանադրությունը փորձում է փոխել միայն մեկ խմբակցության կազմով՝ Սահմանադրության հակապետական մեկնաբանման ճանապարհով:
Գործող քաղաքական իշխանությունը, ցավոք, ամբողջությամբ կտրվել է իրականությունից և կարծում է, թե լինելու է Հայաստանի Հանրապետության վերջին ընտրված իշխանությունը:
Հայաստանի Հանրապետությունը միապետություն երբեք չի դառնալու, իսկ գործող իշխանությունը ծանր պատասխանատվությունից չի խուսափելու»: