«Զվարթնոց» օդանավակայանում վտանգավոր ոչինչ չի հայտնաբերվել. ԱԻՆ

ԵՐԵՎԱՆ, ՓԵՏՐՎԱՐԻ 22, 24News

Զվարթնոց

«Զվարթնոց» օդանավակայանում  իրականացված տեղազննման արդյունքում վտանգավոր ոչինչ չի հայտնաբերվել:

NEWS.am-ի թղթակից օդանավակայանից հայտնում է, որ ԱԻՆ-ը եւ ոստիկանությունը դադարեցրել են որոնողական աշխատանքները «Զվարթնոց» օդանավակայանում:

Ավելի վաղ հայտնել էինք, որ փետրվարի 22-ին, ժամը 19:11-ին Ճգնաժամային կառավարման ազգային կենտրոն տեղեկություն է հաղորդվել, որ քաղաքացին փորձում է պայթուցիկ սարք տեղադրել օդանավակայանում:

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը, ճգնաժամային կառավարման ազգային կենտրոնի օպերատիվ խումբը, քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական ջոկատը, բժշկական ապահովման վարչության հերթապահ խումբը, հոգեբանական խորհրդատվության գծով հրահանգիչը, ինչպես նաև հրդեհաշիջման և փրկարարական աշխատանքների կազմակերպման բաժնի օպերատիվ խումբը:

Տեսանյութեր

Live

Լրահոս