ԵՐԵՎԱՆ, ՄԱՐՏԻ 12, 24News
ՀՀ պետական եկամուտների կոմիտեն 2019 թվականին ստուգումներ է իրականացրել՝ «Ֆլեշ», «Սաս-Գրուպ», «Ալեքս Էնդ Հոլդինգ» և «Սիթի» ընկերություններում: «Հայկական ժամանակ»-ի գրավոր հարցմանն ի պատասխան հայտնել են ՊԵԿ-ից:
«Ֆլեշ» ընկերությունում 2019-ին իրականացվել է 1 համալիր ստուգում եւ 3 ՀԴՄ կիրառության կանոնների ստուգում: Արդյունքում հայտնաբերվել են խախտումներ և արձանագրվել է 3 մլն 733 հազար 745 դրամի չափով տուգանք:
«Սաս-Գրուպ»-ում ՊԵԿ-ը նախորդ տարի 1 անգամ իրականացրել է ակցիզային դրոշմանիշների և դրոշմապիտակների կիրառման ստուգում, ինչի արդյունքում խախտում է հայտնաբերվել և արձանագրվել է 150 հազար դրամի չափով տուգանք:
«Ալեքս Էնդ Հոլդինգ»-ում հարկային մարմինը 1 անգամ իրականացրել է հսկիչ գնում, սակայն ՀԴՄ կտրոն չեն տրամադրել, ինչի արդյունքում էլ արձանագրվել է 150 հազար դրամի չափով տուգանք:
«Սիթի» ընկերությունում իրականացվել է՝ թե՛ հսկիչ գնում, թե՛ ակցիզային դրոշմանիշների և դրոշմապիտակների կիրառման ստուգում եւ թե՛ ՀԴՄ կիրառության կանոնների ստուգում, սակայն 3 դեպքում էլ խախտում չի հայտնաբերվել: