Ոստիկանությունը հորդորում է կորոնավիրուսի հետ կապված խախտման որոշումը բողոքարկել առցանց

ԵՐԵՎԱՆ, ՄԱՐՏԻ 24, 24News

Նոր կորոնավիրուսի տարածումը կանխելու նպատակով ճանապարհային ոստիկանությունը խորհուրդ է տալիս վարչական իրավախախտումների վերաբերյալ գործերով որոշումները գանգատարկել (բողոքարկել) կամ դրանցով նշանակված տուգանքների վճարումը տարաժամկետել առցանց եղանակով՝ առանց ճանապարհային ոստիկանություն ներկայանալու։

Դիմումը կարող եք ուղարկել e-request.am կայքի միջոցով, տուգանքների վճարումը տարաժամկետելը հնարավոր է նաև roadpolice.am կայքով։

Առցանց եղանակով ներկայացվող դիմումի մեջ ևս անհրաժեշտ է նշել դիմումատուի կոնտակտային տվյալները, բնակության հասցեն, որոշման համարը և հստակ ներկայացնել անհամաձայնությունը կամ դիմումով հայցվող պահանջը։

Դիմումը կարող եք ուղարկել նաև info@roadpolice.am էլեկտրոնային հասցեին։

Դիմումներին սահմանված ժամկետներում կտրվեն պատասխաններ։

Տեսանյութեր

Live

Լրահոս