Հաշմանդամություն ունեցող մարդկանց հասանելի կլինի արտակարգ դրության ողջ տեղեկատվությունը

ԵՐԵՎԱՆ, ՄԱՐՏԻ 26, 24News

թաթոյան

Արտակարգ դրության ժամանակ հատկապես ինֆորմացիան պետք է հասանելի լինի բոլորի համար։ Այս մասին ֆեյբուքյան էջում հայտնում է ՄԻՊ Արման Թաթոյանը:

Մենք շուտով կներկայացնենք արտակարգ դրությանը և սահմանափակումներին վերաբերող մատչելի և ամբողջական տեղեկատվություն ուղեցույցի տեսքով. այն հասանելի կլինի ինչպես մեր երկրում ապրող ազգային փոքրամասնությունների լեզուներով (5 լեզու), այնպես էլ բրայլյան գրով և ժեստերի լեզվով թարգմանությամբ։

Պետք է լինեն այնպիսի պայմաններ, որոնք հաշմանդամություն ունեցող մարդկանց հնարավորություն կտան ինքնուրույն, առանց արժանապատվության
նկատմամբ վիրավորանք զգալու ծանոթանալ արտակարգ դրությանն առնչվող ողջ տեղեկատվությանը։

Տեղեկատվության մատչելիությունը ոչ միայն երաշխավորում է հաշմանդամություն ունեցողների իրավունքների իրացումը, այլ նաև ապահովում է նրանց կողմից արտակարգ դրության պայմաններում իրենց պարտավորությունների պատշաճ կատարման հնարավորությունը: