ԵՐԵՎԱՆ, ՄԱՐՏԻ 27, 24News
Կատալոնական «Բարսելոնայի» ղեկավարությունը որոշել է կորոնավիրուսի պանդեմիայով պայմանավորված դադարի ընթացքում թիմի ֆուտբոլիստների աշխատավարձը կրճատել 70 տոկոսով։ Այս մասին հայտնում է Marca-ն:
«Բարսելոնայի» ղեկավարությունը խաղացողների աշխատավարձերն իջեցնելու որոշումն ընդունել է ֆուտբոլիստների կամքին հակառակ: Իսպանիայի չեմպիոնի ֆուտբոլիստները համաձայնել են աշխատավարձերի կրճատման առավելագույնը 50 տոկոսի չափով:
Մրցաշրջանի վերսկսումից հետո «Բարսելոնան» ամբողջությամբ կվճարի ֆուտբոլիստների պայմանագրերով նախատեսված աշխատավարձերը: