ՀՎԿԱԿ 14 աշխատակցի մոտ կորոնավիրուս է հաստատվել․ ԱՆ խոսնակ

ԵՐԵՎԱՆ, ՄԱՐՏԻ 29, 24News     

կորոնա

Հիվանդությունների վերահսկման և կանխարգելման ազգային կենտրոնի քաղաքային մասնաճյուղի 14 աշխատակիցների մոտ հաստատվել է կորոնավիրուսային հիվանդություն: Այս մասին իր ֆեյսբուքյան էջում գրել է ՀՀ առողջապահության նախարարության մամուլի խոսնակ Ալինա Նիկողոսյանը։
«Իրականացվել են կանխարգելիչ բոլոր միջոցառումները:

Նշեմ, որ վերջիններս նոր դեպքեր չեն, ներառված են եղել մարտի 28-ի վիճակագրության մեջ»,- գրել է Նիկողոսյանը:

Հիշեցնենք, որ Հայաստանում կորոնավիրուսով վարակման 424 դեպք է հաստատվել։ Ապաքինվել է 30-ը, մահացել՝ երեքը։