ԵՐԵՎԱՆ, ՄԱՐՏԻ 31, 24News
Մարտի 30-ին խոշոր ավտովթար է տեղի ունեցել Տավուշի մարզում։ Ժամը 10։15-ի սահմանում Երևանի բնակիչ, 21-ամյա Արմենակ Ա.-ն իր վարած BMW մակնիշի ավտոմեքենայով Երևան-Սևան-Իջևան ավտոճանապարհի 121 կմ հատվածում դուրս է եկել ճանապարհի երթևեկելի գոտուց, բախվել երկաթե արգելապատնեշներին։ Այդ մասին հայտնում է shamshyan.com-ը:
Վթարի հետևանքով ուղևորը՝ Վանաձորի բնակիչ, 25-ամյա Գևորգ Թ.-ն մարմնական վնասվածքներով տեղափոխվել է «Իջևան» բժշկական կենտրոն։
Դեպքի փաստով նյութեր են նախապատրաստվում։