ԵՐԵՎԱՆ, ԱՊՐԻԼԻ 1, 24News
Մեծ Բրիտանիայում Covid-19 կորոնավիրուսից մահացության ռեկորդային ցուցանիշ է գրանցել վերջին 24 ժամում 563 մարդ է մահացել: Այս մասին հայտնում է CNN-ը։
Միացյալ Թագավորության տարածքում այս ցուցանիշը ամենաբարձրն է երկրում համաճարակի բռնկման օրվանից ի վեր:
Առողջապահության և սոցիալական խնամքի վարչության տվյալներով՝ ապրիլի մեկի դրությամբ՝ 2352 մարդ է մահացել կորոնավիրուսով պայմանավորված հիվանդությունից: Բացի այդ, նշվում է, որ մեկ օրում վարակման դեպքերն ավելացել են 4324-ով՝ հասնելով ընդհանուր առմամբ 29 474-ի:
Հեռուստաալիքի հաղորդմամբ՝ վարակման 963 դեպք է գրանցվել Շվեյցարիայում, ընդհանուր ցուցանիշը հասել է 17 139-ի: Երկրում մահացության ցուցանիշը կազմում է 378 մարդ:
Վերջին տվյալների համաձայն՝ ողջ աշխարհում կորոնավիրուսով վարակվածների թիվը գերազանցել է 884 000-ը, մահացածներինը՝ 44 000-ը: