ԵՐԵՎԱՆ, ԱՊՐԻԼԻ 2, 24News
«Իրականում կա նման կետ, երբ մենք կասենք, որ այլևս հնարավոր չէ, օրինակ, գնալ ցանկացած նոր դեպքի հետևից, բայց մենք դեռ հեռու ենք այդ կետից և մեր խնդիրն է այդ կետը հնարավորինս հեռացնել»,-այս մասին կառավարության մամուլի կենտրոնում ասուլիսի ժամանակ ասել է առողջապահության նախարար Արսեն Թորոսյանը։
«Եթե հնարավոր չլինի հեռացնել, ապա գալու է նման պահ, երբ առողջապահական համակարգը զբաղվելու է միջին կամ ծանր վիճակում գտնվող պացիենտների բուժմամբ, թեթև վիճակում գտնվողներին խորհուրդ է տրվելու բուժվել տանը։ Մեր հասարակության, պետական կառավարման համակարգի ջանքերը պետք է ներդրվեն այդ կետը անհասանելիորեն հեռացնելու համար»,-նշել է նախարարը։