Իր աշխատողների փողով ժողովրդին լավություն անելու նուրբ արվեստը․ «Իրավունք»

ԵՐԵՎԱՆ, ԱՊՐԻԼԻ 10, 24News     

«Իրավունք» թերթը գրում է. «Իրավունքին» հասած տեղեկությունների համաձայն` ԱԺ ԲՀԿ խմբակցության ղեկավար Գագիկ Ծառուկյանն իր ոչ սննդային մի քանի օբյեկտներից աշխատողներին չվարձատրվող արձակուրդի է ուղարկել:

Նույն աղբյուրների փոխանցմամբ` նախորդ ամիս վերոնշյալ օբյեկտների աշխատողները ստացել են կես ամսվա աշխատավարձ ու ամսի 16-ից մնացել անգործ: Մինչդեռ այս օրերին Գ. Ծառուկյանը բարեգործական ակտիվ աշխատանքներ է իրականացնում` մոռանալով բարեգութ գտնվել նախ սեփական աշխատողների նկատմամբ:

Թեպետ սրանով պարոն Ծառուկյանը փաստեց, որ իսկապես իր խոսքը գործ է: Չէ որ նա խորհրդարանում լրագրողների հետ զրույցում հայտարարել էր. «Բայց ես խի՞ պետք է վճարեմ, պետությունը թող տա»: Արդյունքում ոչ նա տվեց, ոչ պետությունը»:

Առավել մանրամասն՝ թերթի այսօրվա համարում