ԵՐԵՎԱՆ, ԱՊՐԻԼԻ 10, 24News
Երևանի ավագանու «Լույս» խմբակցության անդամ Դավիթ Խաժակյանը ֆեյսբուքյան գրառում է կատարել, որում անդրադարձել է Երևանի Գարեգին Նժդեհ և Արշակունյաց փողոցների հանգույցում քաղաքային իշխանության կողմից ժամանակին ներկայացված կառուցապատմանն ու արված գծանշմանը:
«Ձախ նկարի պրոյեկտը նախատեսվածն էր հնգամյա զարգացման ծրագրով, որի վրա պետք է ծախսվեին միլիոնավոր դրամներ։ Աջ նկարն արդեն իրականություն է, որը հնարավոր դարձավ ձախ կողմինը հնգամյա զարգացման ծրագրից հանելու արդյունքում։
Իշխանությունների այս մտահղացումը մի քանի անգամ ավելի մատչելի է և կյանքի է կոչվել մեկ օրվա ընթացքում՝ առանց կառուցապատման հետևանքով խցանումների առաջացման։
Նոր լուծումն ունի նաև խցանումների վերացման երաշխիքային ժամկետ՝ մինչև մայիս ամիսը»,-գրել է Խաժակյանը։