Հավատացած եմ՝ Նախագահի պաշտոնում Դուք ավելի կամրապնդեք Արցախի պետականությունը. Զատուլին

ԵՐԵՎԱՆ, ԱՊՐԻԼԻ 17, 24News

Արցախ

Հավատացած եմ՝ Նախագահի պաշտոնում Դուք ավելի կհամախմբեք հասարակությանը ու կամրապնդեք Արցախի պետականությունը: Ինչպես տեղեկացնում է ԱՐՑԱԽՊՐԵՍ-ը, այս մասին Արցախի Հանրապետության նորընտիր նախագահ Արայիկ Հարությունյանին ուղղված շնորհավորական նամակում գրել է ՌԴ Պետդումայի պատգամավոր, Միջազգային Լազարևյան ակումբի համանախագահ, ՌԴ ԱՊՀ երկրների ինստիտուտի տնօրեն Կոնստանտին Զատուլինը:

«Հարգելի՛ Արայիկ Վլադիմիրի

Շնորհավորում եմ Ձեզ Արցախի Հանրապետության նախագահական ընտրություններում հաղթանակ գրանցելու համար: Ինչպես գիտեք, մենք անտարբեր չենք Ձեր ժողովրդի և Ձեր Հանրապետության ճակատագրի նկատմամբ: Հավատացած եմ, որ Նախագահի պաշտոնում Դուք ավելի կհամախմբեք հասարակությանը ու կամրապնդեք պետականությունը, կապահովեք երկրի խաղաղ ու բնականոն զարգացումը և հաջողությամբ առաջ կտանեք ադրբեջանա-ղարաբաղյան հակամարտության խաղաղ կարգավորման գործընթացը:

Թույլ տվեք մաղթել Ձեզ հաջողություն և առողջություն: Հատկապես մեր օրերում երկուսն էլ արդիական են:

Հարգանքով՝ Կոնստանտին Զատուլին»,- գրել է ՌԴ Պետդումայի պատգամավորը: