«Լույս» հիմնադրամը COVID-19-ի ճգնաժամի հաղթահարման մասին վերլուծություն է հրապարակել

ԵՐԵՎԱՆ, ՄԱՅԻՍԻ 7, 24News

կովիդ

«Լույս» հիմնադրամը COVID-19-ի ճգնաժամի հաղթահարման մասին վերլուծություն է հրապարակել: Այդ մասին տեղեկանում ենք հիմնադրամի պաշտոնական կայքէջում:

Ըստ հաղորդագրության՝ նոր կորոնավիրուսը (COVID-19) խաթարել է համաշխարհային տնտեսության բնականոն ընթացքը: Ճգնաժամը հաղթահարելու նպատակով երկրները, այդ թվում՝ Հայաստանի Հանրապետությունը, ձեռնարկել են մի շարք միջոցառումներ: Որոշ կառավարություններ կենտրոնացել են ֆինանսական օժանդակության անհատույց ձևերի վրա, մյուսները՝ փոխհատուցվող:

Սույն հետազոտությունը միտված է ուսումնասիրելու COVID-19 ճգնաժամի հաղթահարման միջոցառումների միջազգային փորձը՝ ՀՀ կառավարության ձևավորած ֆիսկալ փաթեթի արդյունավետությունը գնահատելու նպատակով: Մասնավորապես, վերլուծվել են Ամերիկայի Միացյալ Նահանգների, եվրոպական երկրների (Գերմանիա, Հունգարիա), ինչպես նաև Ռուսաստանի Դաշնության ձեռնարկած միջոցառումները, դրանց ծավալները և նպատակները:

Հիմնվելով այս արդյունքների վրա՝ ուսումնասիրվել է ՀՀ հակաճգնաժամային քաղաքականության համապատասխանությունը ժամանակի և հայաստանյան իրականության պահանջներին:

Հետազոտությանը կարող եք ծանոթանալ այստեղ: