ԵՐԵՎԱՆ, ՄԱՅԻՍԻ 13, 24News
ԼՀԿ-ն ներկայացրել է Ալեն Սիմոնյանի հայտարարությունը հերքող տեսանյութ:
Նշենք, որ ավելի վաղ Ալեն Սիմոնյանը ԱԺ ամբիոնից արել էր հետևյալ հայտարարությունը. «2018 թվականի ապրիլի 16-ը հիշեցի, շատերը մահանալուց էին պրծնում, ես ձեզ գրում էի՝ «Ելք» խբակցության խմբի էջին, որ դուրս գաք փողոց, իմ համար չէ, երևանցիների համար, ու ձեզանից որևէ մեկը դուրս չեկավ»:
Հայտարարության ի պատասխան՝ ԼՀԿ ղեկավար Էդմոն Մարուքյանը ԱԺ փոխխոսնակ Ալեն Սիմոնյանին հիշեցրել էր իրենց պատասխանը՝ եթե բռնություն կիրառվի, դուրս կգանք , կմիանանք և կաջակցենք Նիկոլ Փաշինյանին, և ներկայացրել տեսանյութ, որում Էդմոն Մարուքյանը, Մանե Թանդիլյանը, Գևորգ Գորգիսյանը Արամ Սարգսյանի հետ ողջունում են Նիկոլ Փաշինյանին և քայլում նրա հետ. «Մեր բոլոր տեքստերը ուժի մեջ են, մենք ասել են, որ բռնություն լինի, էստեղ ենք լինելու»,- տեսանյութում եզրափակել է Մարուքյանը: