ԵՐԵՎԱՆ, ՄԱՅԻՍԻ 14, 24News
«Հաստատված դեպքերի հետ շփված մարդկանց արդեն չենք տեղավորում հյուրանոցներում»։ Այս մասին ֆեյսբուքյան իր էջով ուղիղ եթերի ժամանակ հայտնել է առողջապահության նախարար Արսեն Թորոսյանը:
Նախարարի փոխանցմամբ՝ ազատված հյուրանոցները դեռևս շարունակում են օգտագործվել առանց սիմպտոմ հիվանդների համար:
Նշենք, որ Հայաստանում մայիսի 14-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 3860 դեպք: Կորոնավիրուսից ապաքինվել է 1572 մարդ: Փաստացի բուժում է ստանում 2218 պացիենտ: Ընդհանուր կատարվել է 36 016 թեստավորում: Կորոնավիրուսային հիվանդությունից, ընդհանուր առմամբ, արձանագրվել է մահվան 49 դեպք: