ԵՐԵՎԱՆ, ՄԱՅԻՍԻ 18, 24News
Կանադայում կորոնավիրուսով վարակման հաստատված դեպքերի թիվը գերազանցել է 77 հազարը, 5,8 հազար մարդ մահացել է։ Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, այս մասին հայտնել է երկրի առողջապահության նախարարությունը։
Ավելի վաղ հաղորդվել էր 76 193 վարակվածի մասին։
Վերջին մեկ օրում գրանցվել է 1113 նոր դեպք և վարակվածների ընդհանուր թիվը հասել է 77 306-ի։ Մեկ օրում մահվան ելքերի քանակը ավելացել է 103-ով և հասել՝ 5805-ի։ Վարակվածների թվով ամենաշատ դեպքերը հաստատվել են Քվեբեքում (42 920) և Օնտարիոյում (22 957)։
Առողջապահության համաշխարհային կազմակերպության տվյալներով ամբողջ աշխարհում արձանագրվել է ավելի քան 4,5 մլն վարակման դեպք, ավելի քան 307 հազար մարդ մահացել է։