ԵՐԵՎԱՆ, ՄԱՅԻՍԻ 21, 24News
Արցախի հանրապետության նախկին նախագահ Բակո Սահայկանի խորհրդական Տիգրան Աբրահամյանը ֆեյսբուքյան իր էջում գրել է.
«Բակո Սահակյանը կա ու կմնա Արցախում, Հայաստանում և Սփյուռքում ծանրակշիռ խոսք ու կշիռ ունեցող ամենաազդեցիկ գործիչներից մեկը:
Համոզված եմ, որ մեր հայրենիքի համար կարևոր բոլոր գործընթացներում նախագահ Սահակյանը իր ներկայությունը կունենա ու իր հավասարակշռված մոտեցումներով և սկզբունքային դիրքորոշմամբ կշարունակի ծառայել մեր ժողովրդին:
Վերջին օրերին, նախագահ Սահակյանի պաշտոնավարման ավարտի առնչությամբ հսկայական թվով հարցազրույցներ, հայտարարություններ, գրառումներ, մեկնաբանություններ են եղել:
Քիչ գործիչներ կան, որոնց պաշտոնավարման ավարտին հանրությունը նման ձևով է «ճանապարհում»՝ հուզմունքով, բարի խոսքերով ու մեծ հպարտությամբ»: