ԵՐԵՎԱՆ, ՆՈՅԵՄԲԵՐ 6, 24News
2020թ-ին ՀՀ քաղաքացիների համար կստեղծվի վիզային ազատ ռեժիմ ԵՄ անդամ երկրներ այցելելու համար։ Այդ մասին այսօր՝ նոյեմբերի6-ին, ԱԺ-ում հայտարարել է արտաքին գործերի նախարարի տեղակալ Կարեն Նազարյանը։
«ժամկետը նախատեսված է ՀՀ-ԵՄ համաձայնագրով։ Հայաստան կժամանի հատուկ գնահատման առաքելությունը, կմշակվեն ու ծրագրերը, որոնցով ՀՀ-ԵՄ համաձայնագրի այս կետն իրականություն կդառնա»,- ասաց նա։
Միաժամանակ, Նազարյանը նշել է, որ մուտքի ազատ իրավունքի ռեժիմը նաև որոշակի սահմանափակումներ է նախատեսում՝ արգելելով մարդկանց առևտուրն ու նարկոտրաֆիկը։