Կա՞ գոնե մեկ պաշտոնական տվյալ, որ Հայաստանից 20 միլիարդ դրամի ադամանդ է արտահանվել

ԵՐԵՎԱՆ, ՄԱՅԻՍԻ 23, 24News

բաբկեն թունյան

ԱԺ «Իմ քայլը» խմբակցության պատգամավոր Բաբկեն Թունյանը Ֆեյսբուքի իր էջում գրել է․

 

«Մարդը հայտարարարում է, թե ադամանդի արտահանումը կտրուկ աճել է, այս տարվա հունվար-մարտին Հայաստանից ԱՐՏԱՀԱՆՎԵԼ է 20 մլրդ դրամի ադամանդ, և որ այդ տվյալը կա ՎԻՃԿՈՄԻՏԵԻ զեկույցում։

Ցույց ես տալիս, որ ո՛չ վիճկոմիտեի, ո՛չ ՊԵԿ-ի, ո՛չ ՄԱԿ-ի ու այլ բազաներում էդպիսի թիվ չկա, այլ ճիշտ հակառակի մասին վկայող թվեր են, իրենք շարունակում են, թե բա՝ արտադրվել է այսքան կարատ, թե բա մի աշխատողը ինչքան կարող է մշակել և այլն...

Հարգելի բարեկամներ, մի լարվեք, խնայեք ձեր ու մեր նյարդերն ու ժամանակը՝ ասվածը հիմնավորող երկար տեքստեր գրելու վրա։

Ձեզ պարզ հարց եմ տալիս՝ կա՞ գոնե մեկ պաշտոնական տվյալ, ըստ որի՝ Հայաստանից 3 ամսում 20 միլիարդ դրամի ադամանդ է ԱՐՏԱՀԱՆՎԵԼ։ Ինչպես դուք հայտարարել եք։

Եթե կա, ցույց տվեք։ Ընդամենը մեկ հղում։

Եթե դա կանեք, ես կընդունեմ, որ իրոք չեմ կարողանում կարդալ վիճզեկույցներ։ Եթե ոչ՝ ուրեմն...

Առողջ եղեք»։