ԵՐԵՎԱՆ, ՄԱՅԻՍԻ 28, 24News
Արարատի մարզպետ Գարիկ Սարգսյանը ֆեյսբուքյան էջում գրառում է արել՝ տեղեկացնելով, որ մարզի գյուղմթերքի շուկան բացվում է:
«Մայիսի 30-ին կբացվի Արարատի մարզի գյուղմթերքի շուկան:
Այդ օրվանից սկսած, գյուղացիները կարող են իրենց բերքը վաճառել շուկայում:
Իսկ հունիսի սկզբին նախատեսված է շուկայի պաշտոնական բացման արարողությունը:
Հիշեցնենք, որ նախորդ տարվա մայիսին «Իմ քայլը հանուն Արարատի մարզի» բիզնես համաժողովի ժամանակ գործարարի կողմից ներկայացվել էր մարզում գյուղմթերքի շուկա կառուցելու ծրագիր, որը մեկ տարվա ընթացքում կյանքի կոչվեց:
Շուկայում գործելու են բացօթյա և փակ տաղավարներ, կառուցվել են նաև պահեստներ՝ իրենց սառնարաններով, սննդի կետեր, տնտեսական խանութներ, ավտոկայանատեղի՝ նախատեսված ինչպես ուղևորատար, այնպես էլ բեռնատար ավտոմեքենաների համար:
Շուկայի տարածքում կառուցվում է նաև հյուրատուն, որը պատրաստ կլինի օգոստոս-սեպտեմբեր ամիսներին:
Շուկան գործելու է ամեն օր՝ 24-ժամյա ռեժմիով, առայժմ՝ անվճար»,-գրել է մարզպետը: