ԵՐԵՎԱՆ, ՄԱՅԻՍԻ 28, 24News
Լաս Վեգասում և Նևադայի այլ քաղաքներում խաղատները կարող են կրկին վերաբացվել մյուս շաբաթվանից: Այս մասին հայտարարել է Նևադայի նահանգապետ Սթիվ Սիսոլակը, փոխանցում է DailyMail-ը:
«Մենք դեռևս կայուն միտում ենք տեսնում COVID-19-ի նոր դեպքերի նվազեցման առումով, ուստի որոշում ենք կայացրել բացել խաղատները, որպեսզի ավելի արագ վերակենդանացնենք նահանգի տնտեսությունը»,- նշել է նա:
Այստեղ արդեն ձեռնարկվել են կորոնավիրուսի կանխարգելիչ բոլոր միջոցառումները՝ խաղատների մուտքի մոտ ջերմաչափող սարքեր, խաղասարքերի մոտ ձեռքերի ախտահանման «կայաններ», իսկ սեղանների մոտ խաղացողների միջև պլաստիկ պատնեշներ :
Որպեսզի ավելի արագ տեմպերով հետ բերեն հաճախորդներին, նախատեսվում են բոնուսներ հյուրերի համար՝ անվճար կայանատեղիից մինչև հանգստյան համար վճարների վերացում:
Նշենք, որ Նևադայում խաղային ինդուստրիան մարտի 18-ից արգելափակված էր կորոնավիրուսի համաճարակի պատճառով: