ԵՐԵՎԱՆ, ՆՈՅԵՄԲԵՐ 6, 24News
Անշարժ գույքի գները դեռ երկար ժամանակ չեն նվազելու. Երևանում, օրինակ, բազմաբնակարան շենքերի բնակարանների միջին գները սեպտեմբերին աճել են։ Այդ մասին գրում է «Ժողովուրդ» օրաթերթը՝ նշելով, որ մասնագետները պնդում են՝ անշարժ գույքի պահանջարկն ավելի կաճի։
«Միայն Երևանի կենտրոնում բնակարանների մեկ քմ-ն վաճառվում է 1150 դոլարով: Ըստ վիճակագրական կոմիտեի` կենտրոն վարչական շրջանում բազմաբնակարան շենքի բնակարանի մեկ քմ-ն սեպտեմբերին վաճառվել է 552 հազար դրամով, մինչդեռ այն օգոստոսին արժեր 541 հազար 800 դրամ, իսկ անցած տարվա սեպտեմբերին` 452 հազար 800 դրամ»,- գրում է թերթը:
Պարբերականի տեղեկացմամբ՝ մարզերում հակառակն է՝ անշարժ գույքի գները նվազել են, որովպետև մարզերի բնակիչները, չկարողանալով աշխատանք գտնել, ստիպված վաճառում են իրենց բնակարանները և բնակություն հաստատում Երևանում կամ մեկնում արտագնա աշխատանքի: