ԵՐԵՎԱՆ, ՆՈՅԵՄԲԵՐ 7, 24News
«Ժամանակ» թերթը գրում է․ «Քրիստոնեա-ժողովրդավարական վերածնունդ» կուսակցությունը մասնակցելու է արտահերթ խորհրդարանական ընտրություններին մենակ, առանց դաշինքի:
Կուսակցության նախագահ Լևոն Շիրինյանը համոզված է, որ իրենց կմիանան այն կուսակցությունները և անհատները, որոնք քրիստոնեա-ժողովրդավարական արժեհամակարգի հետևորդներ են: Լևոն Շիրինյանն ասում է, որ հին ԸՕ-ով ընտրություններին մասնակցելը բարդություններ է առաջացնելու իրենց համար՝ համարելով, որ հնի պահպանումը ձեռնտու է Երրորդ հանրապետությունը ճգնաժամի հասցրած քաղաքական ուժերին:
Ըստ Շիրինյանի՝ ռեյտինգային ընտրահամակարգի գոյությունը պառլամենտական կառավարման համակարգի պայմաններում նոնսենս է»,-գրում է թերթը: