Պետք է շատ կարևորել ՄԻԵԴ որոշումը. Արփինե Հովհաննիսյան

ԵՐԵՎԱՆ, ՄԱՅԻՍԻ 29, 24News

արփին

ԱԺ նախկին փոխնախագահ Արփինե Հովհաննիսյանը ֆեյսբուքյան էջում գրառում է արել․

«Հաշվի առնելով այն հանգամանքը, որ վերջին շրջանում իրավաբանությունը դարձել է ֆեյսբուքյան ստատուսչիների սիրելի զբաղմունքը, իսկ իշխանական քարոզիչներն էլ այլասերում են դրա բովանդակությունը ինչքան ու ինչպես կարող են, պետք է շատ կարևորել ՄԻԵԴ որոշումը։

Այն աներկբա արձանագրել է իրավական հստակ ու պարզ չափանիշները ու դրանց ԲՈՎԱՆԴԱԿՈՒԹՅՈՒՆԸ, որոնցով պետք է ՍԴ առաջնորդվի։ Սա նշանակում է հետադարձ ուժի ու իրավական որոշակիության դասական միջազգային սկզբունքները իշխանությանը այլասերել չի կարողանա։ Այսինքն՝ երբ ՍԴ կվերլուծի ու կտա գնահատական, սրանք չեն կարողանա ասել բայց ինչի՞ց եք այդպես ենթադրել։

Ասեմ, որ իշխանությունները շատ էին ցանկանում, որ ՄԻԵԴ-ը արձանագրեր, որ ՍԴ այդ գնահատականների իրավունքը չունի, բայց ավաղ....

Հետադարձ ուժի մասով ձեւակերպումը հատկապես թանկ արժե ու գործնական նշանակություն ունի։ Ուշադիր կարդացեք ու մի բան գրելուց առաջ ձեզ մի՛ խայտառակեք։
Ավելի մանրամասն ու դետալային այս որոշմանը կանդրադառնամ ավելի ուշ»։

Տեսանյութեր

Live

Լրահոս