ՊԵԿ քննչական վարչության պետի տեղակալը վարակվել է կորոնավիրուսով

ԵՐԵՎԱՆ, ՀՈՒՆԻՍԻ 4, 24News

.
«Փաստինֆո»-ի տեղեկություններով՝ ՊԵԿ-ի աշխատակիցների շրջանում կան կորոնավիրուսի վարակակիրներ, նրանց թվում՝ քննչական վարչության պետի տեղակալը, որը նաև հոսպիտալացվել է։ Չնայած առկա վիրուսին՝ տարբեր գործերով, այդ թվում նյութերի նախապատրաստման փուլում գտնվող վարույթներով, մեծ թվով քաղաքացիներ են հրավիրվում քննչական։ 

Քաղաքացիները մտավախություն ունեն, որ քննչական գործողությունների ընթացքում կարող են վարակվել կորոնավիրուսով։ Նրանք իրենց անվտանգ չեն զգում իրենց առողջության համար։ Խնդիրն այն է, որ քննիչների սենյակները, որտեղ կատարվում են քաղաքացիների հարցաքննությունները՝ չեն ապահովում պարետի որոշմամբ հաստատված կանոնների պահպանումը, այն է՝ սոցիալական հեռավորությունը։ Իսկ եթե քաղաքացին ցանկանում է օգտվել իր իրավունքից ու փաստաբան ներգրավում, խնդիրը դառնում է շատ ավելի արդիական։

Արձանագրենք, որ միայն վերջին մեկ օրում ռեկորդային թիվ է արձանագրվել. վարակվել է 697 մարդ։ Հայաստանում կորոնավիրուսով վարակվածների ընդհանուր թիվն է 11221։ Եվս 20 հազար մարդ, ինչպես հայտարարել է վարչապետը, վարակված է, բայց իրենք էլ չգիտեն այդ մասին։