ԵՐԵՎԱՆ, ՆՈՅԵՄԲԵՐ 8, 24News
Արմավիրի մարզի Լենուղի գյուղի 4-րդ կարգի վթարային շենքի բնակիչները կառավարության շենքի դիմաց բողոքի ակցիա են իրականացրել։ Նրանք 24News-ին ասել են, որ 22 ընտանիքներ 30 տարի շարունակ ապրում են անմարդկային պայմաններում։
Կառավարության շենքի դիմաց հավաքված բնակիչների հետ զրուցել է Քաղաքացիների ընդունելության և դիմումների քննարկման վարչության ներկայացուցիչ Հայկ Սիմոնյանը՝ բնակիչներին հերթական անգամ խորհուրդ տալով սպասել։
«Ֆինանսական մեծ միջոցներ են պահանջվում հարցի լուծման համար։ Այդ միջոցների առկայության դեպքում հարցին լուծում կտանք»,-ասել է կառավարության ներկայացուցիչը։
Բողոքի ակցիայի մասնակցիները տեղեկացրել են, որ եթե առաջիկա շաբաթվա ընթացքում հարցին որոշակի լուծում չտրվի, հաջորդ հինգշաբթի իրենք կրկին կհավաքվեն գործադիրի շենքի դիմաց։
Հիշեցնենք, որ 1988 թվականին 4-րդ կարգի վթարային ճանաչված շենքի բնակիչները նախորդ տարիներին դիմել են տարբեր պատկան մարմինների։ Նամակների տրցակին ի պատասխան՝ մշտապես ստացել են նույն խոստումը՝ հարցը հրատապ ծրագրերի մեջ է։