ԵՐԵՎԱՆ, ՀՈՒՆԻՍԻ 15, 24News
ԱԺ «Իմ քայլը» խմբակցության պատգամավոր Գայանե Աբրահամյանի ծնողների մոտ կորոնավիրուսային հիվանդություն է հաստատվել։ Այս մասին ֆեյսբուքյան իր էջում գրել է պատգամավոր Գայանե Աբրահամյանը։
«Սիրելի լրագրող գործընկերներ, որոշ կայքերում (լրատվամիջոց չեմ անվանի) լուր հրապարակվեց իբրեւ թե ինձ մոտ հաստատվել է կորոնավիրուս, լուրը սխալ է, իմ եւ դստերս թեստը բացասական Է։
Ցավոք, ծնողներիս մոտ է հաստատվել վիրուսի թեստը (առանձին են ապրում, շփվել ենք` խստորեն պահպանելով բոլոր կանոնները), հայրս, քանի որ ունի խրոնիկ հիվանդություններ` հոսպիտալացված է, մայրս` թոքաբորբ ունի, բայց դեռ տնային բուժում է ստանում։ Խնդրում եմ, գոնե այս թեմայով ապատեղեկատվություն մի տարածեք, սա շահարկման նյութ չէ»,- գրել է նա։
--0--ԱՀ