ԵՐԵՎԱՆ, ՀՈՒՆԻՍԻ 28, 24News
Հիվանդությունների վերահսկման ազգային կենտրոնի մամուլի ծառայության հաղորդմամբ՝ Վրաստանում կորոնավիրուսից 15-րդ հիվանդը՝ 82-ամյա տղամարդ է մահացել: Նա Վրաստանի քաղաքացի է, որ երկիր է մուտք գործել հարևան երկրներից մեկից: Այս մասին հայտնում է aliq.ge-ն։
«Հիվանդի վիճակը հենց սկզբից ծանր էր գնահատվում: Նա այլ հիվանդություններ էլ ուներ և վերջին երկու շաբաթվա ընթացքում գտնվում էր արհեստական շնչառությամբ», -հայտնում են հիվանդությունների վերահսկման ազգային կենտրոնից:
Հունիսի 25-ի ժամը 11:30-ի դրությամբ՝ Վրաստանում կորոնավիրուսով վարակի 3 նոր դեպք է գրանցվել. ընդհանուր դեպքերի քանակը երկրում 924 է:
Վրաստանում այսօր կորոնավիրուսից բուժվել է ևս 4 պացիենտ և ընդհանուր հաշվով՝ վարակը հաղթահարել է 785 մարդ: Վարակից երկրում մահացել է 15 մարդ:
--0--ԿԿ