ՍԴ որոշ անդամներ որոշել են տապալել ՍԴ աշխատանքը. ովքեր են ներկա եղել նիստին. «Ժամանակ»

ԵՐԵՎԱՆ, ՀՈւԼԻՍԻ 1, 24News

սդ_1.jpg

«Ժամանակ» թերթը գրում է. «Թեև իշխանությունը հայտարարում է, որ Սահմանադրական դատարանի ճգնաժամն այլևս հաղթահարված է, սակայն ՍԴ դիրքերը ոչ մի կերպ լքել չցանկացողները որոշել են իշխանություններին ցույց տալ, թե որն է իրական ճգնաժամը։

ՍԴ երեկ նշանակված աշխատակարգային նիստը չի կայացել, քանի որ քվորում չի ապահովվել։ Հրայր Թովմասյանն ու Արևիկ Պետրոսյանը արձակուրդում են։ Եվ չնայած նրանց բացակայությամբ էլ նիստը կարող էր կայանալ ՍԴ 6 դատավորների մասնակցությամբ, սակայն նրանցից մի քանիսը ևս բացակայել են։ Նիստին ներկա են եղել միայն Արայիկ Թունյանը, Աշոտ Խաչատրյանը, Արման Դիլանյանը, ինչպես նաև առաջին անգամ՝ Վահե Գրիգորյանը։

Մեզ հասած տեղեկություններով՝ ՍԴ որոշ անդամներ որոշել են նման կերպ՝ նիստերին չմասնակցելով տապալել ՍԴ աշխատանքը ու ցույց տալ, թե որն է իրական ճգնաժամը։ Հրայր Թովմասյանի ու Արևիկ Պետրոսյանի հրատապ արձակուրդ մեկնելը ևս ճգնաժամ ստեղծելու պլանի մաս է։ Այս վիճակը թերևս կշարունակվի մինչև ՍԴ դատարանակազմության ավարտը»։

Առավել մանրամասն՝ թերթի այսօրվա համարում:

--0--ԱՀ

Տեսանյութեր

Live

Լրահոս