Դատախազությունը վճռաբեկ բողոք է ներկայացրել Քոչարյանի կալանքի հարցով կայացված որոշման դեմ

ԵՐԵՎԱՆ, ՀՈՒԼԻՍԻ 1, 24News 

իրավական

ՀՀ գլխավոր դատախազությունը հունիսի 30-ին վճռաբեկ բողոք է ներկայացրել ՀՀ 2-րդ նախագահ Ռոբերտ Քոչարյանի նկատմամբ Վերաքննիչ քրեական դատարանի՝ խափանման միջոց կալանքի վերաբերյալ կայացրած որոշման դեմ։ Բողոքն արդեն մուտքագրվել է Վճռաբեկ դատարան։ Տեղեկությունը 24News-ի հետ զրույցում հաստատեց  Գլխավոր դատախազի խորհրդական Գոռ Աբրահամյանը։ 

Ավելի վաղ տեղեկացրել էինք, որ հունիսի 18-ին Վերաքննիչ քրեական դատարանը բավարարել է «Մարտի 1»-ի գործով ամբաստանյալ Ռոբերտ Քոչարյանի պաշտպանների դիմումը և 2 մլրդ դրամ գրավի դիմաց ազատ արձակել Քոչարյանին:

Սոնա Գրիգորյան

--0--ԿԿ