Ծառուկյանին կալանավորելու պահանջով դատախազության բողոքը կքննի դատավոր Մխիթար Պապոյանը

ԵՐԵՎԱՆ, ՀՈՒԼԻՍԻ 1, 24News 

իրավական

ԱԺ «Բարգավաճ Հայաստան» խմբակցության ղեկավար Գագիկ Ծառուկյանին կալանավորելու միջնորդությունը մերժելու մասին Երևան քաղաքի ընդհանուր իրավասության դատարանի որոշման դեմ բողոքը մակագրվել է Վերաքննիչ դատարանի դատավոր Մխիթար Պապոյանին։ 24News-ն այդ մասին տեղեկացավ Ծառուկյանի փաստաբան Էմին Խաչատրյանից։ 

«Դատական նիստը տեղի կունենա ժամը 12։00-ին։ Նույն դատավորին են մակագրվել նաև պաշտպանական կողմի բողոքները», - հավելեց փաստաբանը։

Տեղեկացնենք, որ Վերաքննիչ դատարան բողոքը ներկայացրել է ՀՀ գլխավոր դատախազությունը։

Հունիսի 21-ին դատավոր Ռոբերտ Պապոյանը մերժեց Գագիկ Ծառուկյանի նկատմամբ որպես խափանման միջոց կալանավորումը կիրառելու միջնորդությունը։

Նշենք, որ Գագիկ Ծառուկյանին մեղադրանք է առաջադրվել ՀՀ քրեական օրենսգրքի 154.2-րդ հոդվածի 2-րդ մասի հատկանիշներով՝ ընտրակաշառք տալու համար։ Ծառուկյանը չի ընդունում իրեն առաջադրված մեղադրանքը՝ այն համարելով շինծու։ 

Սոնա Գրիգորյան

--0--ԿԿ