«Հայփոստ»-ի մոտ այրվել է մոտ 200 հատ կուտակած անվադող

ԵՐԵՎԱՆ, ՀՈՒԼԻՍԻ  4, 24 News 

անվադող

Հուլիսի 3-ին, ժամը 14։48-ին Ճգնաժամային կառավարման ազգային կենտրոն ահազանգ է ստացվել, որ Հովտաշատ գյուղի Բաղրամյան փողոցում՝ «Հայփոստ» ՓԲԸ-ի մոտակայքում, այրվում են անվադողեր։

Դեպքի վայր է մեկնել ԱԻՆ ՓԾ Արարատի մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է Հովտաշատ գյուղի Բաղրամյան փողոցի վերջնամասում գտնվող անվադողերի վերանորոգման կետի մոտակայքում։

Հրդեհը մեկուսացվել է ժամը 15:13-ին, մարվել` 15:22-ին: Այրվել է մոտ 200 հատ կուտակած անվադող: 

 --00—ՄՀ