Էրդողանի տվյալներն ուսումնասիրելու կասկածով 115 նախկին պետաշխատող է ձերբակալվել

ԵՐԵՎԱՆ, ՀՈւԼԻՍԻ 6, 24News

էրդողան

Թուրքիայի ֆինանսական հանցագործությունների հետաքննության խորհրդի (MASAK) 115 նախկին աշխատակից է ձերբակալվել։ Այդ մասին գրում է ermenihaber.am-ը:

Անկարայի ոստիկանության ահաբեկչության դեմ պայքարի վարչության ստորաբաժանումները դատախազության պահանջով օպերացիա են իրականացրել MASAK-ի 115 նախկին աշխատակցի դեմ։

Նշվում է, որ  նշյալ անձինք այդ խորհրդում աշխատանքի էին անցել 2016 թ․ հուլիսի 15-ին տեղի ունեցած հեղաշրջման փորձից հետո, իսկ 2019թ․ նոյեմբերին տեղափոխվել այլ աշխատանքի պետական տարբեր հաստատություններում։ 

Նրանք կասկածվում են Թուրքիայում ահաբեկչական համարվող «Ֆեթուլլահական կազմակերպության» (գյուլենական շարժում)  հետ կապեր ունենալու, երկրի նախագահ Ռեջեփ Թայիփ Էրդողանի և բազմաթիվ քաղաքական գործիչների նույնականացման համարով համակարգում հարցում կատարելու մեջ։ 

Դատախազությունը շարունակում է քննությունը՝ պարզելու, թե արդյոք տվյալ անձինք ուսումնասիրել են Էրդողանի «ֆինանսական շարժերը»։

--00—ԼՄ