ԵՐԵՎԱՆ, ՆՈՅԵՄԲԵՐ 12, 24News
Երևանի կոնյակի գործարանը հայտարարում է ARARAT Charles Aznavour Signature Blend նախագծի մեկնարկի մասին, որը, սկսված 2017 թվականից, Ազնավուրի և միջազգային բրենդի համատեղ աշխատանքի արդյունքն է:
Մեկ ու կես տարվա ընթացքում Ազնավուրի ընտանիքը և մաեստրոն անձամբ անմիջական մասնակցություն են ունեցել ARARAT Charles Aznavour Signature Blend բացառիկ կոնյակի ստեղծման փուլերին՝ սպիրտների ընտրությունից մինչև ձևավորման հաստատումը: 2017 թվականին մաեստրոն անձամբ այցելել է գործարան:
ARARAT Charles Aznavour Signature Blend կոնյակի ստեղծման նախագիծը կաջակցի «Ազնավուր» հիմնադրամին, ինչպես նաեւ գալիք սերունդների համար բացառիկ հարթակ կդառնա «Ազնավուր» կենտրոնին, որը կբացվի 2021 թվականին և նախատեսված է ֆրանսիական մշակույթի տարածման ու Հայաստանից, այլ երկրներից սկսնակ արտիստների աջակցման համար:
Նոյեմբերի 17-ին ԱՐԱՐԱՏ թանգարանում կմեկնարկի «Ազնավուր: Կյանքի պահեր» խորագրով Շառլ Ազնավուրի կողմից արված լուսանկարների բացառիկ ցուցահանդես, որը ավելի վաղ նախատեսվում էր անցկացնել ARARAT-ի փակ միջոցառման ժամանակ: Ցուցահանդեսն անվճար կգործի մայրաքաղաքի բոլոր բնակիչների և հյուրերի համար:
«Շնորհիվ Շառլ Ազնավուրի և իր ընտանիքի հետ այս բացառիկ համագործակցությանը՝ հնարավորություն ունեցանք մեկ ու կես տարվա ընթացքում ականատես լինել ոգեշնչման, առատաձեռնության, վարպետության եւ սեփական մասնագիտության հանդեպ աներեւակայելի սիրո պատմությանը: Մենք անկեղծորեն հավատում ենք, որ այս նախագիծը կբացահայտի իր մշակութային ժառանգության եւս մեկ եզր», - ասել է ԵԿԳ-ի վաճառքների եւ շուկայավարության տնօրեն Կարին Մադելրիոն:
«ARARAT Charles Aznavour Signature Blend-ը խորհրդանշում է ոչ միայն իմ հոր կարիերայի առանցքային փուլերը, այլեւ այն արժեքները, որոնք նա մարմնավորում է՝ նրբագեղություն, անսահման վարպետություն եւ առատաձեռնություն: Ինձ հաճելի է տեսնել, որ այնպիսի կազմակերպությունը, ինչպիսին է Երեւանի կոնյակի գործարանը, ցանկանում է եւ պատրաստ է աջակցել այն մարդասիրական նախաձեռնություններին, որոնց հավատում է», - «Ազնավուր» հիմնադրամի համահիմնադիր Նիկոլա Ազնավուր:
Բացառիկ կուպաժը բաղկացած է հազվագյուտ հնագույն սպիրտներից, որոնք արտացոլում են Շառլ Ազնավուրի ստեղծագործական ուղու կարևորագույն պահերը:
1956: Առաջին հաղթանակի նոտաներ
Շառլ Ազնավուրի դեբյուտը Փարիզի Օլիմպիա համերգասրահում
1960: Համաշխարհային փառքի նոտաներ
“Je m'voyais déjà” երգի ստեղծումը, որի շնորհիվ Շառլ Ազնավուրը հայտնի դարձավ ողջ աշխարհում
1981: Հավերժական սիրո նոտաներ
“Une vie d'amour” (Հավերժական սեր) դասական հիթի ստեղծումը
ARARAT Charles Aznavour Signature Blend - ի սպիրտների միջին տարիքը՝ 25 տարի: