Ռևանշիստները դրսի ուժերով օպերացիայի կգնան, քայլիստների խմբակի մի մասը կանցնի այդ կողմ

ԵՐԵՎԱՆ, ՀՈՒԼԻՍԻ 8, 24News 

Վերադառնում ենք հին օրեր։ Վարչապետ Նիկոլ Փաշինյանը ՀՀ նախկին նախագահ Սերժ Սարգսյանի ճանապարհին է։ Այս կարծիքին է ամերիկաբնակ քաղաքագետ Հայկ Մարտիրոսյանը։ Քաղաքագետը պարզաբանել է ՝ օրվա իշխանությունն ազնիվ չվարվեց, նրանք միանգամից վերցրեցին վստահության ողջ ավանսը և սկսեցին անել բաներ, որոնք հակառակ էին մարդկանց անկնալիքներին։

24TV-ի «Հարցազրույց» հաղորդման եթերում Մարտիրոսյանը, գնահատելով ՀՀ-ում ներքաղաքական զարգացումները, նկատել է, որ իրավիճակ է փոխվել, անթույլատրելի բաներ են կատարվել, այդուհանդերձ իշխանություններն արտահերթ ընտրությունների չեն գնա։

«Համաճարակը ֆիլտրում է, շատ բաներ ավիրում ու տեղն է դնում։ Այս համաճարակի կառավարման մեջ նրանց վարքագիծը ստեղծում է դժգոհություն, որը ցնցումների հիմք է ստեղծում։ Կատարվում են քայլեր, որոնք ավելի ու ավելի հավանական են դարձնում ռևանշի հավանականությունը։ Որքան երկար այս իշխանությունը մնա, այնքան ավելի է մեծանում նախկինների վերադարձի հավանականությունը»,- վստահ է քաղաքագետը։

Միևնույն ժամանակ նա ընդգծել է, որ եթե ռևանշիստները գնան նման քայլի, չեն անելու միայն սեփական ուժերով։
«Դա անելու են դրսի ուժերի հովանավորությամբ։ Այն կարող է լինել շատ լավ պլանավորված օպերացիա, որի արդյուքնում քայլիստների խմբակի մի մասն ուղղակի կանցնի այդ ուժերի ճամբար»,- ասել է նա։

Առավել մանրամասն՝ տեսանյութում։

--0--ԿԿ