Հրայր Թովմասյանն անցկացրեց պետական մեքենայի ներգործությանը դիմագրավելու վարպետության դաս

ԵՐԵՎԱՆ, ՀՈՒԼԻՍԻ 8, 24News 

Գոհար Մելոյան

Վերջին մեկ տարվա ընթացքում մեր հանրությունն ականատես եղավ Սահմանադրական դատարանի դատավորների, և, հատկապես, Սահմանադրական դատարանի նախագահ Հրայր Թովմասյանի նկատմամբ աննախադեպ ճնշումների և ապօրինի ներգործությունների: Այս մասին ֆեյսբուքյան իր էջում գրել է սահմանադրագետ Գոհար Մելոյանը:

«Վերջին մեկ տարվա ընթացքում մեր հանրությունն ականատես եղավ Սահմանադրական դատարանի դատավորների, և, հատկապես, Սահմանադրական դատարանի նախագահ Հրայր Թովմասյանի նկատմամբ աննախադեպ ճնշումների և ապօրինի ներգործությունների:

Արդյունքում՝ թե՛ անձնական, թե՛ մասնագիտական տիրույթներում հատվեցին կարմիր գծեր:

Ի պատիվ իրեն, Հրայր Թովմասյանն անցկացրեց պետական մեքենայի ներգործությանը բաց ճակատով դիմագրավելու վարպետության դաս:

Վստահ եմ, որ դա հետագայում դառնալու է դատավորի կողմից իր անկախության համար պայքարելու դասագրքային օրինակ:

Այս կապակցությամբ տեղին է հիշատակել հենց պարոն Թովմասյանի մի մեջբերում. «Մի օր մի դատավոր պետք է պայքարի իր անկախության համար»»:

--0--ԱՀ