ԵՐԵՎԱՆ, ՆՈՅԵՄԲԵՐ 13, 24News
Վերջին շրջանում նվազել են ներդրումները երկրի տնտեսության մեջ։ Այդ մասին այսօր՝ նոյեմբերի 13-ին, ԱԺ-ում 2019-ի բյուջեն ներկայացնելիս ասաց ֆինանսների նախարարի պաշտոնակատար Ատոմ Ջանջուղազյանը։
Նա նշեց, որ պատճառն այն է, որ դրանք արվել են ոչ արտահանելի հատվածում։
«Ընդունված է ասել՝ փողը հոսում է այնտեղ, ուր փող կա, իսկ մեր տնտեսության մեջ փող կա արտահանման մեջ։ Մինչդեռ վերջին շրջանում ներդրումներ եղել են հիմնականում ոչ արտահանելի հատվածում»,- ասաց նախարարի պաշտոնակատարը։
Ըստ Ջանջուղազյանի՝ ներդրումային հոսքերը պետք է հիմնականում ուղղորդել արտահանման ոլորտ։