ԵՐԵՎԱՆ, Նոյեմբեր 13, 24News
Վրաստանում Հայաստանի դեսպանությունը գրառում է կատարել ֆեյսբուքյան էջում՝ տեղեկացնելով, որ մերկասառույցի պատճառով կցորդիչով և կիսակցորդիչով բեռնատարների համար փակ է Վերին Լարս տանող Գուդաուրի-Կոբի ճանապարհահատվածը։
Դա է պատճառը, որ Ստեփանծմինդա-Լարս անցակետի ռուսական հատվածում ժամանակավորապես դադարեցվել է բեռնատարների մուտքը դեպի Վրաստան։
«Մարդատար ավտոմեքենաների համար և՛ անցակետը, և՛ Գուդաուրի-Կոբի ճանապարհահատվածը բաց են։
Խորհուրդ ենք տալիս երթևեկել միայն ձմեռային անվադողերով»,- ասված է գրառման մեջ: