ԵՐԵՎԱՆ, ՀՈՒԼԻՍԻ 15, 24News
Հիմք ընդունելով վարչապետի առաջարկությունը՝ ՀՀ նախագահը հուլիսի 7-ին Անդրանիկ Փիլոյանին, Ժիրայր Պողոսյանին և Արտակ Տոնոյանին գեներալ-մայորի զինվորական կոչում շնորհելու մասին հրամանագիր է ստորագրել։
«Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 2-րդ մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 16-րդ հոդվածի 1-ին մասի 1-ին կետի.
Խաղաղապահ ուժերի բրիգադի հրամանատար, գնդապետ Արտակ Արտաշի ՏՈՆՈՅԱՆԻՆ շնորհել գեներալ-մայորի զինվորական կոչում, 1-ին բանակային կորպուսի հրամանատար, գնդապետ Ժիրայր Համլետի ՊՈՂՈՍՅԱՆԻՆ շնորհել գեներալ-մայորի զինվորական կոչում:5-րդ բանակային կորպուսի հրամանատար, գնդապետ Անդրանիկ Սուրենի ՓԻԼՈՅԱՆԻՆ շնորհել գեներալ-մայորի զինվորական կոչում»,- ասված է նախագահի հրամանգրում:
--0—ՄՀ