Թուրքիայում 1 օրում կորոնավիրուսի 992 նոր դեպք է արձանագրվել

ԵՐԵՎԱՆ, ՀՈՒԼԻՍԻ 15, 24News 

կորոնավիրուս

Թուրքիայում հուլիսի 14-ին կորոնավիրուսից (Covid-19) մահացել է 20 մարդ։ Այդ մասին «Twitter» միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։ Այս մասին հայտնում է Ermenihaber-ը։

Նախարարը նշել է, որ 1 օրում կատարված 43․231 թեստի արդյունքում հաստատվել է կորոնավարակի 992 նոր դեպք։ Նույն ժամանակահատվածում գրանցվել է ապաքինման 1.049 դեպք:

Ըստ պաշտոնական տվյալների` մինչև օրս համավարակից ապաքինվել է 196.720 մարդ, իսկ 1.204 հիվանդ էլ գտնվում է վերակենդանացման բաժանմունքում։

Թուրքիայում մինչև այժմ ընդհանուր առմամբ արձանագրվել է վարակման 214․993 և մահվան 5․402 դեպք։ Թեստավորումների թիվը հասել է 4 մլն 065.178-ի։

Հիշեցնենք, որ Թուրքիայում պաշտոնական տվյալներով` կորոնավիրուսով վարակվելու առաջին դեպքը հաստատվել է մարտի 11-ին, իսկ մահվան առաջին դեպքը՝  մարտի 17-ին։ --0—ՄՀ