Բորշչով հարվածներ Ուկրաինայի դեսպանության պատին․ ՀՅԴ երիտասարդների ցույցը

ԵՐԵՎԱՆ, ՀՈՒԼԻՍԻ 15, 24News 

ՀՅԴ երիտասարդները բողոքի ակցիա էին կազմակերպել Ուկրաինայի դեսպանատան դիմաց՝ «Ուկրանիա, մի՛ սադրիր», «Չաջակցե՛լ ագրեսորին» վանկարկումներով։ Ակցիայի մասնակիցները պահանջում են, որպեսզի Ուկրաինան իր աջակցությունը չհայտնի Ադրբեջանին։ 

«Ադրբեջանը ագրեսիա է ցույց տալիս։ Այս առիթով տարբեր միջազգային կազմակերպությունների կողմից հայտարարություններ են լինում և Ուկրաինայի հայտարարությունը տարածաշրջանում սրել է կոնֆլիկտը, այն ջուր է լցնում մարդասպան Ադրբեջանի ջրաղացին։ Մենք՝ որպես հայ երիտասարդներ, մեր բողոքի ակցիան ենք իարկանացնում՝ ասելով, որ սեպ եք խրում Հայաստանի և Ուկրաինայի հարաբերությունների մեջ։ Եկել ենք ձեզ փոխանցելու ձեր եփած բորշչը», - այսպես նշեց ակցիայի մասնակիցներից մեկը։ 

Լրագրողների հետ զրույցից և իրենց կոչերից հետո ակցիայի մասնակից երիտասարդները բորշչով հարվածներ հասցրին դեսպանության պատին՝ այդպիսով իրենց բողոքն արտահայտելով Ուկրաինայի հայտարարությունների վերաբերյալ։

Սոնա Գրիգորյան

--0--ԿԿ