ԵՐԵՎԱՆ, ՀՈՒԼԻՍԻ 30, 24News
Հուլիսի 1-ից սկսած նոր տեսակի կորոնավիրուս է ախտորոշվել մոտ 30 զորակոչիկի մոտ, նրանցից 13-ը արդեն ապաքինվել է։ Այս մասին 24news-ի հետ զրույցում ասաց ՀՀ ՊՆ խոսնակ Շուշան Ստեփանյանը։
«Զորակոչիկները մեկուսացվել են, ստանում են համապատասխան բուժում, ապաքինվելուց հետո կհամալրեն ԶՈՒ շարքերը։ Թեև զորակոչը մեկնարկել է մայիսից, սակայն զորակոչիկները զորամաս են մեկնել հուլիս-օգոստոս ամիսներին»,- ասաց նա:
Հիշեցնենք, որ 2020 թ․ ամառային զորակոչին ենթակա ՀՀ բոլոր քաղաքացիները թեստավորվում են կորոնավիրուսային վարակի իմունոֆերմենտային եղանակով ախտորոշման միջոցով, և որոնց մոտ հակամարմիններ են հայտնաբերվում, թեստավորվում են ՊՇՌ թեստերով։