ԵՐԵՎԱՆ, ՆՈՅԵՄԲԵՐ 15, 24News
Կառավարությունը հավանություն տվեց «Քաղաքացիական կացության ակտերի մասին» օրենքում փոփոխություններ և լրացում կատարելու մասին նախագծին։ Վերջինիս փոփոխման անհրաժեշտությունը պայմանավորված է ՔԿԱԳ ոլորտում խորհրդային ժամանակներին գործող ծառայությունների փոխարեն մեկ պատուհան ծառայություն ներդնելու միջոցով:
Առաջարկվում է ուժը կորցրած ճանաչել այն դրույթը, որով քաղաքացիական կացության ակտերի գրանցումը սահմանափակվում էր վարչատարածքային պատկանելությամբ:
Նախագծի ընդունմամբ հնարավորություն է ընձեռվում
• նվազեցնել ՔԿԱԳ մարմինների գործունեության կոռուպցիոն ռիսկերը,
• ապահովել ՔԿԱԳ մարմինների սպասարկման որակի բարելավումը մրցակցային դաշտի շնորհիվ,
ՔԿԱԳ մարմինների գործունեությունը կհամապատասխանեցվի զարգացող հասարակության ժամանակակից պահանջներին: