ԵՐԵՎԱՆ, ՕԳՈՍՏՈՍԻ 6, 24News
Հայաստանի Հանրապետության երրորդ նախագահ Սերժ Սարգսյանի գործով օգոստոսի 6-ի դատական նիստը ևս հետաձգվեց։
Սերժ Սարգսյանի պաշտպան Ամրամ Մակինյանը դիմում էր ներկայացրել նախագահող դատավորին՝ նշելով, որ որոշակի կասկածներ ունի կորոնավիրուսով վարակված լինելու հետ կապված։
Մակինյանը հայտնել էր, որ կորոնավիրուսի թեստ է հանձնել և սպասում է պատասխանին։
Նիստին ներկա չէր նաև Սերժ Սարգսյանը, որի բացակայությունը դատարանն անհարգելի համարեց։
Հիշեցնենք, որ Սերժ Սարգսյանին մեղադրանք առաջադրվելու մասին ՀՔԾ-ն հայտարարել է 2019-ի դեկտեմբերի 4-ին։ Նրան մեղադրանք է առաջադրվել ՀՀ քրեական օրենսգրքի 38-179-րդ հոդվածի 3-րդ մասին 1-ին կետով և որպես խափանման միջոց է ընտրվել ստորագրություն՝ չհեռանալու մասին։
--0--ԿԿ