ԵՐԵՎԱՆ, ՆՈՅԵՄԲԵՐ 15, 24News
«Քաղաքացիական պայմանագիր» կուսակցության քաղաքական հակառակորդներն իրենց հաշվարկներն ավելի ճշգրիտ արեցին, որի արդյունքում ԱԺ արտահերթ ընտրություններին ընդառաջ Ընտրական օրենսգրքի փոփոխված տարբերակը չանցավ: Այդ մասին 24News-ի եթերում ասել է ԱԺ «Ելք» խմբակցության պատգամավոր Հովիկ Աղազարյանը:
Հարցին՝ մի՞թե հնարավոր չէր ապահովել մեկ պատգամավորի ձայն ավելի՝ օրենսգիրքն անցկացնելու համար, Աղազարյանն ասաց.
«Մենք անկեղծ ենք եղել ամեն ինչում: Ուղղակի, երևի հաշվարկների մեջ սխալվեցինք: Փաստի առջև կանգնեցրին մեզ: Դա մեկ կետից կառավարված դիրքորոշում էր, և այդ մեկ կետին ես համարում եմ Ռոբերտ Քոչարյան»,- ասել է Աղազարյանը:
Պատգամավորը կարիք չի տեսնում ՔՊ-ին մեղադրելու ԸՕ-ի տապալման համար, քանի որ իրենք առիթ չեն տվել մարդկանց մտածելու, թե իրենց ուժին ռեյտինգային ընտրական համակարգն ավելի ձեռնտու է:
Զրույցն ամբողջությամբ՝ տեսանյութում։