«Վրացական երազանքը» սեպտեմբերի 14-ին Ախալքալաքում և Նինոծմինդայում կառաջադրի թեկնածու

ԵՐԵՎԱՆ, ՕԳՈՍՏՈՍԻ 12, 24News 

աշխարհ

«Վրացական երազանք – ժողովրդավարական Վրաստան» քաղաքական միավորումը սկսում է մեծամասնական խորհրդարանական թեկնածուների ներկայացումը: Ախալքալաքում և Նինոծմինդայում իրենց թեկնածուի ներկայացումը տեղի կունենա սեպտեմբերի 14-ին, այս մասին հայտնում է jnews.ge-ն:

«Վրացական երազանքն» այսօրվանից սկսել է շրջաններում ներկայացնել մեծամասնական պատգամավորների թեկնածուներին: Ախալքալաք-Նինոծմինդա ընտրատարածքից մեծամասնական ընտրակարգով պատգամավորության թեկնածու՝ Սամվել Մանուկյանի պաշտոնական ներկայացումը տեղի կունենա սեպտեմբերի 14-ին: Ախալքալաքում և Նինոծմինդայում ներկայացումը տեղի կունենա նույն օրը:

Այսօր՝ օգոստոսի 10-ին, իշխող կուսակցությունը ներկայացման գործընթացը սկսել է Կախեթիից: Թելավիում Իրակլի Քադագիշվիլին առաջադրվել է որպես մեծամասնական պատգամավորի թեկնածու: Առաջադրմանը մասնակցել են «Վրացական երազանքի» գլխավոր քարտուղար Կախա Կալաձեն, վարչապետ Գիորգի Գախարիան, քաղաքական քարտուղար Իրակլի Ղարիբաշվիլին և կուսակցության այլ առաջնորդներ: 

--0--ԿԿ