ԵՐԵՎԱՆ, ՆՈՅԵՄԲԵՐ 16, 24News
Ազգային ժողովում «Հատուկ պետական պաշտպանության ենթակա անձանց անվտանգության ապահովման մասին» ՀՀ օրենքում լրացումներ կատարելու մասին» օրենքի նախագծի քվեարկությունը բուռն բանավեճով ընթացավ: Նախագծով առաջարկվում էր Ամենայն Հայոց Կաթողիկոսի անվտանգությունն ապահովել այնպես, ինչպես երաշխավորված է ՀՀ նախագահի, վարչապետի և ԱԺ նախագահի անվտանգությունը: Նախագծի ընդունման դեպքում Կաթողիկոսի անվտանգության ապահովումը կերաշխավորվեր օրենքով, այլ ոչ թե՝ վարչապետի հայեցողությամբ:
Նախագիծը չընդունվեց․ կողմ քվեարկեց 28 պատգամավոր, 10-ը ձեռնպահ մնացին: Քվեարկությունից հետո ԱԺ փոխնախագահ Էդուարդ Շարմազանովը հայտարարեց. «Սա Անկախ Հայաստանի ամնախայտառակ քվեարկությունն էր: Հայ ժողովրդին պետք է հստակ պատասխան տան այն ուժերը, որոնք սնում են աղադավորությունն ու սեռական փոքրամասնությունների՝ «գոմիկների» քարոզը՝ երկրորդական դարձնելով եկեղեցու պատասխանատվությունը»:
Հայտարարությունից հետո Շարմազանովը լքեց դահլիճը: Նրան հետևեցին մի շարք ՀՀԿ-ական պատգամավորներ: Արդյունքում դահլիճում քիչ թվով պատգամավորներ մնացին, ինչը հնարավորություն չի տա հաջորդ նախագծերին, որոնք ներկայացվել են «Ծառուկյան խմբակցության» պատգամավորների կողմից, քվեարկել կողմ: