«Զանգեզուրի պղնձամոլիբդենային կոմբինատը» խախտել է ջրօգտագործման թույլտվության պահանջները

ԵՐԵՎԱՆ, ՕԳՈՍՏՈՍԻ 25, 24News

պոչամբար

Բնապահպանության և ընդերքի տեսչական մարմնի Սյունիքի տարածքային բաժնի աշխատակիցներն այսօր Հայկական բնապահպանական ճակատ քաղաքացիական նախաձեռնության հրապարակման, Քաջարան գյուղի բնակիչների ահազանգի վերաբերյալ, իրականացրել են ուսումնասիրություն «Զանգեզուրի պղնձամոլիբդենային կոմբինատ» ՓԲԸ-ի արտադրական նպատակով տրամադրված ջրօգտագործման թույլտվության՝ Ողջի գետի ջրառի կետում։

Պարզվել է, որ ընկերությունը չի ապահովում էկոլոգիական թողքը՝ խախտելով ջրօգտագործման թույլտվության պահանջները։ Հարուցվել է վարչական վարույթ։ Այդ մասին հայտնում է ՀԲՃ-ն՝ հղում անելով ՀՀ բնապահպանության և ընդերքի տեսչական մարմնի Սյունիքի տարածքային բաժնին:

--00—ԼՄ